Geguritan.

Pupuh Durma

 

Cai durme pianak bape paling wayan

Tumbuhe keasih-asih

Katingalin biang

Jumah Cening apang melah

Bape luas nangun kerti

Ke gunung alas idepang bapane mati

 

Pupuh Ginada Tikus Kepanting

 

Ede ngaden awak bise

Depang anake ngadanin

Geginane buke nyampat

Anak sai tumbuh luu

Ilang luu buke katah

Yadin ririh, nu liu pelajahin

Pupuh Ginanti

 

Saking tuhu manah guru

Mituturin Cening Jani

Kaweruhin Iuir senjate

Ne dadi prabotang sai

Keangen ngeruruh merta

Seenun Ceninge urip

 

 

Pupuh Maskumambang

 

Kemu laku ditu ade gedong Cenik

Bersih wawu pragat

Sang kalih raris ngeranjing

Saget ngenah gegambaran

Anak jegeg metimpalye bagus genjing

Solah anut pisan

Rarase nganyudang ati

Kadi ratih lan semare

Pupuh Pangkur Jawe

 

Yen sujati anak wikan

Tuare perlu ngedengang awak pedidi

Munyine sing ulah pesu

Munyi bamban alon plapan, milpilang pangunadika

Ngawe lega sang miragi

Pupuh Sinom Silir

 

Titiang wantah tanpa dasar

Kadi tlaga tanpa warih

Merune tinggal lawangan

Maka pedang tanpa rai

Kalangkung nirguna jati

Satsat lembu tanpa tanduk

Yening rauh samong galak

Sinah melaib ngaredigdig

Pati kaplug tansida melanin awak

Pupuh Sinom Siwe Gati

 

Ring rahine Saniscare

Wuku Watugunung nguni

Punika rahinan ida

Ida Sang Hyang Saraswati

Dewan kaweruhan sami

Sane ngardi jagat iku

Manut ring sundarigame

Saktinya hyang brahma murti

Urip iku

Sastra luwih kasinurat

 

Pupuh Sinom Silih Asih

 

Idupe mondong sengsare

Mangke idup besuk mati

Memanjakin keranjang padang

Peteng lemah ne uponin

Tan wangde tua lantas mati

Sane keto pacang tepuk

Puput dane nimbang manah

Tumuli mebalik mulih

Tur kacunduk, meme bapan nyane jumah